حیدرآباد میں انتظامی یونٹس کے قیام کے لیے عوامی اجتماع، ملک بھر میں نئے انتظامی یونٹس بنانے کا مطالبہ

متحدہ قومی موومنٹ پاکستان حیدرآباد ڈسٹرکٹ کے پھلیلی پریٹ آباد ٹاؤن کے زیر اہتمام انتظامی یونٹس کے قیام کے سلسلے میں عوامی اجتماع منعقد کیا گیا، جس میں یوسی سطح کی انتظامی یونٹس کمیٹیوں کے ذمہ داران، بزرگوں اور نوجوانوں نے بڑی تعداد میں شرکت کی۔

اجتماع کے شرکاء نے انتظامی یونٹس کے قیام کو پاکستان کی ضرورت قرار دیتے ہوئے مطالبہ کیا کہ ملک بھر میں عوام کو ان کی دہلیز پر بنیادی سہولیات کی فراہمی اور انتظامی امور کو مؤثر بنانے کے لیے نئے انتظامی یونٹس قائم کیے جائیں۔

شرکاء کا کہنا تھا کہ انتظامی یونٹس کے قیام سے عوامی مسائل کے حل، انتظامی رسائی میں بہتری اور شہریوں کو بنیادی سہولیات کی فراہمی میں مدد مل سکتی ہے۔ اجتماع میں اس مطالبے کے حق میں عوامی سطح پر شعور اجاگر کرنے کی ضرورت پر بھی زور دیا گیا۔