مصطفیٰ کمال کی گلشن اقبال میں خصوصی انٹریکٹو سیشن میں شرکت، انتظامی یونٹس کے قیام پر گفتگو

متحدہ قومی موومنٹ پاکستان کے سینئر رہنما سید مصطفیٰ کمال نے گلشن اقبال ٹاؤن کے رہائشیوں کی جانب سے منعقدہ خصوصی انٹریکٹو سیشن میں شرکت کی، جہاں انتظامی یونٹس کے قیام کی ضرورت، اہمیت اور عوام کو بہتر شہری و انتظامی سہولیات کی فراہمی کے حوالے سے تفصیلی تبادلہ خیال کیا گیا۔

سیشن کے دوران سید مصطفیٰ کمال نے انتظامی یونٹس کے قیام سے متعلق اپنا مؤقف پیش کیا اور شرکاء کی جانب سے کیے گئے مختلف سوالات کے جوابات دیے۔ اس موقع پر عوام کو درپیش مسائل کے حل اور مؤثر انتظامی نظام کی اہمیت پر بھی گفتگو ہوئی۔

تقریب میں ایم کیو ایم پاکستان کے سینئر مرکزی رہنما انیس احمد قائمخانی، مرکزی رکن نیک محمد، اراکین قومی اسمبلی حسان صابر اور اقبال مسعود، رکن سندھ اسمبلی ارسلان پرویز سمیت دیگر ذمہ داران بھی موجود تھے۔