بلاول ہاؤس لاہور میں فریال تالپور کا سینئر صحافیوں اور اینکرز کےاعزاز میں عشائیہ

پاکستان پیپلز پارٹی شعبہ خواتین کی مرکزی صدر فریال تالپور کی میزبانی میں بلاول ہاؤس لاہور میں ملک کے سینئر صحافیوں اور اینکرز کے اعزاز میں خصوصی عشائیے کا اہتمام کیا گیا۔

عشائیے میں سینئر صحافیوں مجیب الرحمٰن شامی، حفیظ اللہ نیازی، سہیل وڑائچ، عثمان شامی، منیب فاروق، حبیب اکرم، اجمل جامی، عمران شفقت اور امداد سومرو نے شرکت کی۔

اس موقع پر فیصل وڑائچ، گوہر بٹ، نور اللہ، ریحان اکرم، فروا وحید بٹ، شہزاد حسین بٹ، خالد قیوم، ریحان طارق اور ارسلان وڑائچ سمیت مختلف صحافتی حلقوں سے تعلق رکھنے والے صحافی بھی موجود تھے۔

عشائیے میں پاکستان پیپلز پارٹی کے رہنماؤں نیئر حسین بخاری، راجہ پرویز اشرف، ہمایوں خان، ندیم افضل چن، قمر زمان کائرہ، سینیٹر سرمد علی، حسن مرتضیٰ، شہزاد سعید چیمہ اور مرتضیٰ ستی سمیت دیگر رہنماؤں نے بھی شرکت کی۔

سندھ کے سابق وزیر داخلہ سہیل انور سیال اور ترجمان حکومت سندھ سعدیہ جاوید بھی اس موقع پر موجود تھے۔

عشائیے کے دوران ملک کی مجموعی سیاسی صورتحال، اہم قومی امور اور دیگر باہمی دلچسپی کے معاملات پر سیر حاصل تبادلۂ خیال کیا گیا۔