صدر زرداری سے محسن نقوی کی اہم ملاقات، نئے صوبوں کے معاملے پر بھی گفتگو

صدر مملکت آصف علی زرداری اور وفاقی وزیر داخلہ محسن نقوی کے درمیان اہم ملاقات ہوئی، جس میں سیاسی امور، ملکی سیکیورٹی صورتحال اور نئے صوبوں کے قیام سے متعلق معاملات پر تبادلہ خیال کیا گیا۔

نواب شاہ میں ہونے والی یہ ملاقات تقریباً ایک گھنٹہ جاری رہی، جس میں ملک کی موجودہ سیاسی صورتحال اور دیگر اہم قومی امور بھی زیر بحث آئے۔

واضح رہے کہ ایک روز قبل میڈیا سے گفتگو کرتے ہوئے وزیر داخلہ محسن نقوی نے نئے صوبوں کے قیام کے حوالے سے کہا تھا کہ اس معاملے پر ریفرنڈم کرایا جا سکتا ہے، عوام کی رائے سامنے آنے پر نئے صوبے بنائے جا سکتے ہیں۔

محسن نقوی کا کہنا تھا کہ ملک میں ری سیٹ کے معاملے پر وہ اور چیئرمین پیپلز پارٹی بلاول بھٹو زرداری ایک پیج پر ہیں۔ ان کے مطابق تمام سیاسی جماعتیں اہم ہیں اور کوئی بھی فیصلہ اختلافات کے ذریعے نہیں کیا جائے گا