نیشنل ہائی وے اتھارٹی کی جانب سے پشاور ناردرن بائی پاس منصوبے پر تعمیراتی کام کو تیزی سے شروع کر دیا گیا

ناردرن بائی پاس پشاور کے پیکیج ون کا تعمیراتی کام 100 فیصد مکمل کرلیا گیا ہے، جبکہ چارسدہ روڈ فلائی اوور پر 25 فیصد، پیکیج ٹو پر 79 فیصد، پیکیج تھری اے پر 82 فیصد اور پیکیج تھری بی پر 75 فیصد کام مکمل ہوچکا ہے۔

چارسدہ روڈ فلائی اوور پر ریٹیننگ وال کی بنیادوں میں کنکریٹ ڈالنے اور پل کی شٹرنگ کا کام جاری ہے۔ پیکیج ٹو میں شولڈرز پر سب بیس میٹریل ڈالنے اور ریٹیننگ وال کی اسٹیل فکسنگ کا کام کیا جارہا ہے۔

پیکیج تھری اے میں پل نمبر 3 پر حفاظتی تعمیراتی کام کے لیے شٹرنگ جاری ہے، جبکہ پیکیج تھری بی میں ناصر باغ کے قریب سڑک کی سب گریڈ تیاری، سب بیس میٹریل ڈالنے اور سات اسپین والے پل کے ٹرانسمز کی شٹرنگ و اسٹیل فکسنگ پر کام جاری ہے۔

واضح رہے کہ ناردرن بائی پاس پشاور منصوبے کی تکمیل کی مقررہ تاریخ 31 جنوری 2027 ہے۔