میر رضا کیس: سابق ایس ایچ او گلستانِ جوہر کامران قریشی ملازمت سے برطرف

ایڈیشنل آئی جی کراچی آزاد خان نے میر رضا کیس میں انکوائری کمیشن کی تحقیقات اور سفارشات کی روشنی میں سابق ایس ایچ او گلستانِ جوہر سب انسپکٹر کامران قریشی کو ملازمت سے برطرف کر دیا ہے۔

کراچی پولیس کے ترجمان کے مطابق سب انسپکٹر کامران قریشی کے خلاف محکمانہ کارروائی غیر پیشہ ورانہ طرزِ عمل، فرائض کی انجام دہی میں غفلت اور غیر ذمہ داری کے مظاہرے پر عمل میں لائی گئی۔

ترجمان کا کہنا ہے کہ سابق ایس ایچ او کے خلاف برطرفی کا فیصلہ میر رضا کیس سے متعلق انکوائری کمیشن کی جانب سے مرتب کردہ حقائق اور سفارشات کی بنیاد پر کیا گیا ہے۔